धरा मनात लाजली

आस प्रीतीच्या भेटीची, कशी मनास लागली||

आली पावसाची सर, धरा मनात लाजली||

 

 धरा झाली ओलीीचिंब, गंध मातीचा सुटला|

जसा मोकळ्या केसात, कोणी गुलाब माळला||

गेला पाऊस पडून, ओलीीझाली सारी माती|

कशी फुलारोनी येईल आता, तरारून शेती||

वेेलीी झाड सारी, कशी डोलती खुशीत|

जसा प्रीतीचा मोगरा कोणी माला केसात||

धुंद झाली वनराई, वेलीीफुलांनी सजली|

धरणी मातेच्या कुशीत, नव बीज अंकुरली|| 

निळ्या नभाच्या अंगणी, मेळा कशाचा जमला|

पावसाच्या थेंबासाठी मेघ आकाशी थांबला||

प्रीत फुलविण्यासाठी, मनी बांधला बंगला|

ताला सुरात नाचेल आता, पाऊस चांगला||

सर पावसाची येता, प्रीत मनात लाजते|

शालू नेसून हिरवा, गोड गालात हसते||

कशी मोहरली काया, झिंक मनात उठली|

प्रीतीच्या पाखरा आता, झोप ग कुठली||