जागर स्री शक्तीचा
जागर स्री शक्तीचा
स्री शक्तीचा जागर घालून, उगा टेंभा का हो मिरविता||
जन्म दिला ज्या शक्तीने, तिला पायीदळी तुडवीता||धृ||
वरवर म्हणती देवी शक्ती तू, अंबा, जगदंबा विश्वाची|
आदिमाया शिवशक्ती जगाची, माया तू गं ईश्वराची|
नको नको त्या बढाया मारून, मला मखरात बसविता|
पोटात येते पाप तुमच्या, मी एकटी रस्त्यावर हिंडता||
वखवखलेल्या नजर तुमच्या, काय माय-बहीण जाणता|
अबला, वृद्धा, छोटी बालिका, भर रस्त्यात भोगीता||१||
किती बंधने घरी घालता, मी नाटक सिनेकात उघडी|
दात विचाकावून तरी पाहता, संस्कार संस्कृती नागडी||
अंगी भरजरी कपड्या मधला पुरुष, चित्रातमधी दाविता|
अंगी चिटकली भिजलेली साडीत, बाई का दाखविता||
ज्या मुशीतून तूम्ही जन्मला, तिचे पार वाभाडे काढता|
रस्त्यामध्ये दीन-दुबळ्यां महिलांची, छेड ही काढता||२||
नवरात्रीला सोहळा मांडला, यात नवसे गवसे किती|
भक्ती भावाने तुम्ही पूजिता, यांची वाटू लागते भीती||
घरतल्या रे पतिव्रतेला, तुम्ही लाथा बुक्यांनी मारता|
बाई बाटली घेवून हाती, तिला गं माडीवर बोलावता||
सांग भक्त हो आई जगदंबेचा, तुम्ही जागर का घालता|
तिच्या रूपातील स्री शक्तीला, का उगाच नागविता||३||