लाइब्रेरी
प्रोफाइल
डोंगर कुशीत
डोंगर कुशीत
1 min
90
डोंगरांच्या कुशीमधे
गाव वसले छोटेसे
वृक्ष वल्ली सोबतीला
हर्षोल्हास तिथे वसे
जिणे कष्टाचे लोकांचे
चढे रोज डोंगरात
वर्षाकाली पाणी खाली
साचे अमाप खोरीत
लोक राहती आनंदे
सारे गुण्यागोविंदाने
ढगफुटी अकस्मात
अवकाळी पावसाने
घरे सारी कोसळली
झाली जीवित हानीही
देती हात एकमेकां
त्वरे जीव वाचवूनी
डोंगराच्या कुशीतले
गाव जाहले उध्वस्त
लोक पीडीत दुःखाने
गाव झाला शोकग्रस्त
दुःखे पहाड हलला
नाही आवरले अश्रू
लोक हलविले सारे
वाहे डोंगर दुःखाश्रू
