डॉ. एक देवमाणूस

समजावले मी त्या दु:खी रोग्यास

नको डोळ्यांत तू पाणी आणूस |

होशील पुर्ववत पाठीशी आपल्या

आहे डॉ.सारखा एक देव माणूस | |१| |

सा-या वेदनांवर फुंकर घालून

करतात बरे डॉक्टर आपणांस |

देवासारखे येतात मदतीला तेच

दृष्टी देती अधूस देवून ढापणास | |२| |

उपचार रुग्णांवर करतात प्रयत्न

पूर्वक अगदी यशस्वी होईपर्यंत | 

कधी त्यांचा निरुपाय होतो दोरीच

कमकुवत करते आयुष्याचा अंत | |३| |

कधी तुमचं सकारात्मक बोलणंच

निम्मा आजार करतो हो बरा |

डॉक्टर तुमच्या सेवाभावीवृत्तीने

लाभतो कुणातरी नवा जन्म खरा | |४| |

कधी तुमच्याच रुपाने अवतरतो

देवच जणू एखाद्या रोग्यासाठी |

विश्वासाने शरण आपल्याला येती

आरोग्य त्यांचे पूर्ववत होण्यासाठी | |५| |