छत्रपती राजर्षी शाहू महाराज
छत्रपती राजर्षी शाहू महाराज
२६ जून १८७४ रोजी घाटगे घराण्यात
कागलगावी जन्मला बाळ यशवंत
कोल्हापूर संस्थानाने केले दत्तकविधान
आनंदीमाईने केले शाहू नामकरण
राज्यसत्ता आली शाहूंच्या हाती
भाग्यमय झाली कोल्हापूरची माती
स्वप्न उरी करावा जनतेचा उद्धार
शोषितांना तारण्या घेतला अवतार
दीन, दलित, अस्पृश्य वा स्त्रियांचा कैवारी
सोयी सुविधा नि कायदेपण केले भारी
प्राथमिक शिक्षण केले सक्तीचे
पहिले पाऊल जन विकासाचे
तळागाळाचा केला सखोल विचार
दूरदृष्टीचा राजा गुणवंतांना देई आधार
कुप्रथांचा कायद्यांनी केला नाश
खुले केले समतेचे सर्वांना आकाश
न्यायाधिकारी भुलोकी जन्मला असा
राज्यकर्त्यांनो घ्या रे, महाराजांचा वसा
शाहूच्या कार्याचा इतिहास तुम्ही अभ्यासा
जनकल्याणाचा चालवा समर्थ वारसा
राजासारखं दिलदार मन,
मनासारखा राजा
तुझ्या दैदीप्यमान कार्याला
मानाचा मुजरा माझा