छंद माझा

हा छंद माझा आगळा

शब्दांचा पसारा सगळा

शब्दांच्या संगतीने कसा

 सरतो दिवस सगळा

शब्दांशी खेळते लपंडाव

शब्दांचीच वल्हवते नाव

शब्दांची सुरू चिवचिव 

अन शब्दांचीच कावकाव

शब्दांच्या बरसून धारा

शब्दांचाच तुफान वारा

शब्दांचा सुगंध सारा

छेडील्या अंतरंगाच्या तारा

शब्दांनी केली जादू

अंतरीच्या भावना मृदू

 एक नवा अर्थ दयावया

बीज काव्याचे रोवायाला

हा छंद माझा वेगळा

कधी जीवास जडला

भावगर्भात पोशिला

अंतरंगात संस्कारीला

 शब्दांचे बीज अंकुरले

शब्दांची उमलली फुले 

गंध फुलांचा त्या दरवळे

काव्यस्वप्न साकारले नवे