होरपळ
होरपळ
आज मनी पेटला माझ्या वणवा
होरपळून निघाल्या साऱ्या भावना
पुन्हा तीच बातमी नव्याने कानी
पुन्हा स्रीपणाची झाली मानहानी
काल होती डाॅक्टर प्रियांका
आज होरपळली प्राध्यापक अंकिता
उद्या आणखी नंबर कोणाचा येईल
भाकीत कुणास कसे करता येईल
स्री-पुरूष समानतेचा वाजवतो डंका
त्यापेक्षा बरी होती रावणाची लंका
भर चौकात मुली पडतात बळी
पुरुषी अहंकार तो साऱ्यांना छळी
लांडग्यांच्या अमानुष अत्याचाराला
पुरूषातील अशा सैतानी वृत्तीला
आळा कोण? कसे? कधी? घालणार
की नारी अशीच आगीत होरपळणार
उठ नारी खूप झाली पुरूषी गद्दारी
हातात घे ढाली आणि तलवारी
जो जाईल उगाच तुझ्या वाटेला
चंडीचे रुप धारण करुन उभा चीर त्याला
तुझी म्यानातली तलवार उसळू दे
अंगात तुझ्या हत्तीचे बळ संचारू दे
हातात बांगड्या नको तर घे बंदूक
करून चार घाव दाव त्यास संदूक