गडकिल्ले
गडकिल्ले
गड किल्ले
अवघड गड तो सर कराया
घातला कुणी याचा भक्कम पाया
जगी महान असे कलाकार तो
निर्मिले पत्थरांना शत्रूचे घाव झेलाया
पाहिले या गडाने वैभव महाराष्ट्राचे
उंच गगनी मुक्त झळकणे भगव्याचे
वाजली गडावर या सनई आनंदाची
अनुभवली तंत्रे आदर्श राज्यकर्त्याची
झिजवली काया पाषाणांनी
घोड्यांच्या उधळलेल्या टापांनी
खणखणल्या इथे तलवारी
खोलवर घाव केले भाल्यांनी
झेलून शत्रूचे असंख्य वार
शूर वीरांचे सांडिले रक्त
शत्रूला गप्पगार करूनी
झाले पावन गडाचे तख्त
इथल्या तटातटांनी पाहिली
देशभक्ती शिवरायांची
माती इथली सुगंध देती
सवंगड्यांच्या स्वामीनिष्ठेची
गडकिल्याच्या पाषाणाला फुटली वाचा आता
निर्जिव मुकेपण सरले सजीव झालो आता
वास्तव्य लाभले या धरणीला महाराजांचे
तुडविलो आम्ही पण सोने झाले आम्हा पत्थरांचे