आईच्या छायेत

वटवृक्षासम धरते छाया

फुलासारखी कोमल काया

सुगंधित आम्हा केले

धरुनी संस्कारांची छाया

किती मिळतो गारवा

आई तुझ्या छायेत

निस्वार्थी निर्मळ भाव

आई तुझ्या मायेत

रुतू नये पायी काटा

बोजा खांद्यावरी वाहते

आई अनवाणी पायाने

सार्या रानातून चालते

आई तुझ्या कुशीत

जीवाला वाटतो ग आधार

तुझी कुस कशी ग उबदार

कसे ?,किती?मानू तुझे आभार

आई तू पाण्याचा निर्मळ झरा

प्रेमाचा साठा तुझ्या उदरा

आई तू मायेचा अथांग सागर 

भरली या मायेने ह्रदयाची घागर