चांदण्यांनी आज तुझी ...

चांदण्यांनी आज तुझी ओंजळी भरू दे,

अन फक्त चंद्रकला आकाशी उरू दे,

लाजऱ्या प्राजक्ताचा सडा अंगणी पडू दे,

परसदारी केशरी गुलमोहर फुलू दे,

आम्रवृक्ष मोहरला कोकिळेला गाउ दे,

बांबूच्या बनामध्ये वारा शिळ घालू दे,

रानामध्ये गोपांची बासरी घुमू दे,

सांजवेळी देवळात दीपमाळ उजळू दे,

रातराणीचा सुगंध चोहीकडे पसरू दे,

आकाशी चांदण्यांचे नक्षत्र फुलू दे,

चांदण्यांनी आज तुझी ओंजळी भरू दे.