बरं का गं, कविते…
बरं का गं, कविते…
का ? का, तुला वाटतेय आत्ताच सुचावे ?
नाही इच्छा काही लिहीण्याची; वाटतेय शांतच बसावे
नको त्या वेळी हल्ली बरी सुचतेस तू
फावला मी असतां मात्र, का दडून बसतेस तू ?
बरोब्बर...! तेव्हा नाही ना वाटणार तुला, आत्ताच जन्मावे ;
कामात असतां बरे जमते, तुला मला विचारांत टाकावे
का ? का ? का ? का बरं अशी वागतेस? ४ ओळींनंतर कधी माझ्यावरच रुसतेस?
टप्प्या-टप्प्याने येऊन कधी देतेस दिलासा, तर संपून जाऊन एकाच दमात; कधी करतेस खुलासा
तुलाही हे माहिती आहे ; असतो मी तुझ्यावरच विसंबून,
म्हणूनच नखरे असे ; करतेस ना गं जाणून-बुजून?
कशीही आलीस, केव्हाही आलीस ; तरी आनंद जो तू साऱ्या देतेस
त्याच्याचमुळे वेळ चुकीची असता सुद्धा, सोबत त्यांना वाहून नेतेस
तुझ्याविना माझे असे, नाहीच गं येथे काही,
सोबतीने एक-मेकाच्या दुमदुमुवू की दिशा दाही
कायमसाठी तुला आता, आज करतोच एक विनवणी ;
पटा-पट सुचत जा गं बाई, नको घेऊस अशी शिकवणी