भावभोळा हरी

भावभोळा हरी / उभा विटेवरी /

भेटीस आतुर / भक्तांचिया //(१)

कर कटेवरी / दिसती तयाचे /

जन कल्याणाचे / काम करी //(२)

डोळ्यांत करुणा / भावनाप्रधान

नैवेद्यासी मान/नाम्याचिया //(३)

 चोखोबांची गुरे/जनीचे दळण

शेताचे रक्षण / दामाजीच्या //(4)

ज्ञानेश्वरी, गाथा / ग्रंथांचे लेखन/

देई स्फूर्तीदान / कृपादृष्टी //(५)

वैद्य नि पोलिस / हो परिचारिका

झाडू घेई हातां / संकटात //(६)

भावाचा भुकेला / भक्तीची तहान /

विठ्ठल महान / शब्दातीत //(७)