बाप्पा..... सर्वांचा

मंदिरात अन अंतरात,

 तोच आहे नांदतो....

खऱ्या भक्ताच्या समस्या,

तोच आहे जाणतो......

रिकाम्या हाताने कोणाला,

तो कोणाला पाठवत नाही.....

नवसाच्या नावाने आलेली भेट,

तो स्वतःकडे मात्र साठवत नाही...

गरीब-श्रीमंत, काळा-गोरा ,

हा भेद त्याच्याकडे नसतो...

म्हणूनच साऱ्या विश्वाचा,

तो पहिला मानकरी असतो....

अनेक रूपात येऊन तो,

भक्तांचे प्राण वाचवतो....

जन्म-मरण आणि सुख दुःखाची,

खेळी ही तोच रचवतो....

काही दिवसांसाठी बाप्पा,

कोणाकडे येत नसतो.....

डोळे मिटून पहा मित्रांनो ,

तो आपल्या हृदयात कायमचा बसलेला असतो...