बालपण हरवलेले

सोशल मीडिया वर सफर करताना

नजरेस पडला एक विडिओ

एक लहान मुलगी करत होती अभिनय भारी

एवढ्या लहान वयात मोठ्यांचे शब्द तिच्या तोंडी

तिचे हावभाव पाहाता आश्चर्य वाटले

प्रश्न पडला हे कसे काय तिनी केले 

भातुकलीच्या खेळण्याच्या वयात 

प्रसिद्दी साठी एवढ्या लहान तिच्या जगात 

तिच्या आईवडीलांनी तिला ह्या जाळ्यात ओढले

मान्य आहे कौतुक व्हावे कलागुणांचे

पण एवढ्याशा वयात कसले वेड हे प्रसिध्दी चे

नावारूपास येण्यासाठी कसली ही अजब धडपड

जिथे हरवले निरागस बालपण