अशी कशी माणसं ?

अशी कशी माणसं? जणू सोपटलेली कणसं 

येतात जातात कोरडेच गोडवे गातात 

ओठात एक अन पोटात ठेवतात वेगळे 

मुखवटे धारण करून असतात सगळे 

अशी कशी माणसं ? जणू सोपटलेली कणसं 

तोंडावर बोलतात गॉड असतात मात्र द्वाड 

मन मोठं दाखवतात ,खोटं - खोटं वागतात 

शकुनी छबी तरीही धर्मराजाची दाखवतात 

अशी कशी माणसं ? जणू सोपटलेली कणसं 

प्रेम आपुलकीसाठी उसनं अवसान आणतात 

जिव्हाळ्याची नाती स्टेटस नी पैशात तोलतात 

छत्तीस नखरे अन सरड्यासारखी रंग बदलतात 

अशी कशी माणसं ? जणू सोपटलेली कणसं 

आले तसे जग सोडून जातील केंव्हाही तरीही 

वेळ काळाचं भान नाही ना तारतम्य त्यांना 

रक्तपिपासु मेलेल्यांनाही सोडत नाही लुटतांना