अशा सांजवेळी...

अशा सांजवेळी

मनी काहूर दाटते

यावा धनी घरा नीट 

मन त्याच्याकडे धावते....

अशा सांजवेळी

मुलगी घरातच हवी

कितीही बरोबरी करा मुलाची

पण सांजसमयी फिरू शकत नाही...

अशा सांजवेळी

देवाला सांजवात लावावी

नामस्मरण करावे मनापासून

धूप अगरबत्ती करावी...

अशा सांजसमयी

वृद्धांची काळजी घ्यावी

हाताला धरून फिरावयास न्यावे

त्यांची विचारपूस करावी...

अशा सांजसमयी

मुलांचा अभ्यास घ्यावा

बोधकथेतून चांगल्या विचारांचा

बालमनावर ठसा उमटवावा...