असा उधाणलेला वारा...

असा उधाणलेला वारा ,

सागरांच्या लहरी सवे ,

बेभान उडवून लाटांना,

फेसाळून गाते ,

प्रिया येना सवे ,

चालू या रेशीम वाळूवर ,

अलगद उमटता ठसे पावलांचे,

विरु दे त्या पाण्यात पुन्हा ,

हा खेळ खेळू प्रेमात ,

तुझ्या माझ्या आनंदात ,

खऱ्या प्रेमाची साक्ष ,

हसेल चंद्र उगवतांना ,

फिक्या रात्रीचे रंग ,

पसरेल पानापानावर ,

थबकेल सांजेच्या दारावर ,

ओघळत येतील दव प्रेमाचे,

ओल क्षितीजाला येईल ,

प्रेमाचा गारवा घेऊन वारा ,

शहारेल गंधाळेल पारवा ,

असा उधाणलेला वारा ...