लाइब्रेरी
प्रोफाइल
अर्थ शब्दांचे
अर्थ शब्दांचे
1 min
296
अर्थ बडबडण्याला
नसे प्रेमामधे कधी
सुख अपार असीम
निरर्थक शब्दांमधी
भावनांच्या झोक्यावरी
झुलविले हळुवार
रेशीमस्पर्शाने मन
मोरपीस अलवार
यौवनाच्या प्रांगणात
नसे विचार पुढला
सप्तपदी बंधनात
दिले सर्वस्व तुजला
कधीकधी वादांमधे
झाला अर्थाचा अनर्थ
शब्द वाढला शब्दाने
समजावे कसे व्यर्थ
घटस्फोट नोटीसीत
अर्थ समजे शब्दांचा
कटू शब्दांनी सावध
अर्थ कळे जीवनाचा
