लाइब्रेरी
प्रोफाइल
अंधार गल्ली
अंधार गल्ली
1 min
473
अंधाऱ्या गल्लीत
रस्त्याच्या गटारावरून
उड्या मारताना
रोज दिसतो
एक डागाळलेला चेहरा
काळवंडलेले कपडे घालणारा
पाठ पोट एक झालेला
डोक्याला मुंडास घालणारा
यांच अंधाऱ्या काळोखात
हरवलंय त्याच बालपण
नासलंय तरूणपण
पण ...
हा तरूण म्हातारा
लढतोय आपला किल्ला
पोसतोय आपल्या अवतीभवतीच्या
थकल्या भागल्या भिंतीला
आणि तो तरूण म्हातारा
यांच अंधाऱ्या गल्लीत
रोज नैराश्यांचे फुरके मारत बसत असतो
कधीतरी जळेल आशेची चूल
कधीतरी श्रावणसरी बरसतील
बांधावरच्या बांभळीला नवीन अंकुर फुटेल
आशेची चूल पेटेल
पण .....
कधी ........... ???
