अजूनही यौवनात मी
अजूनही यौवनात मी
अजूनही यौवनात मी
जरी थकले हातपाय तरी हिम्मत माझी भारी
सत्तराव्या वर्षीही प्रेमात पडायची तयारी
घाल सखे तुझा चष्मा टाक नजर माझ्यावर
येता जाता नजर असते तुझ्या घरावर
रोज बघतो तुला लपून एकदा तुही बघ ना समोर
माहित आहे मला तू एकटीच असतेस
मुले आहेत ना सुखात त्यांची चिंता का करतेस
आता स्वतःचे सुख शोधूया
एकमेकांच्या संगतीने पुन्हा जगूया
जाऊ कधीतरी फिरायला दोघे हातात घालून हात
घाबरतेस कशाला लोकांना सोड त्यांची बात
खाऊ आईस्क्रीम ,पाणीपुरी, अन बसू बागेत
भविष्याची स्वप्न नको वर्तमानाचेच करू बेत
दिसते रोज समोर तुझी छबी आवडती मज तुझे गाल गुलाबी
ए मेरी मेहेरजबी माझ्या प्रीतीची देतो मी हमी
प्रेम करीन तुझ्यावर भरभरून अजून यौवनात मी