अहो ! थोडंसं बोलायचं होतं...

अहो ! थोडंसं बोलायचं होतं

मनातलं गुपित खोलायचं होतं 

इतकं सहज सुरवंटाचे होत ना 

फुलपाखरू अगदी तसंच ... 

अहो ! थोडंसं हसायचं होतं 

पुढ्यात तुमच्या बसायचं होत 

अन् भूतकाळातल्या गोष्टी 

नातवाला आजीनं सांगावं तसं 

अहो ! थोडंसं रुसायचं होतं 

तुम्ही जरासं मानवायचं होतं 

खोटं - खोटं का होईना पण

तारुण्यसुलभ भावविश्व् थोडंसं  

अहो ! ऐकलं का असं म्हटलं ना 

की तुम्हाला राग येतो म्हणून 

भांडण - तंटे , रुसवे - फुगवे 

याची मला हौस नाही हो सांगायचं होतं

अहो ! ऐकलं का असं म्हटलं ना 

की तुमचा पारा चढतो, झालं हीच सुरु 

किराणा संपला, गॅस संपला, बरंच काही 

काय करणार हे सर्व अपरिहार्य ठरतं ...