लेक[बापाचे मनोगत]
लेक[बापाचे मनोगत]
मी भाग्यवान बाप
दिली देवाने लेक l
जशी माय माऊलीच
माझ्या पुण्याच फलीत l
सुख म्हणजे काय असत
तीच्यामुळेच कळलं l
तिच्या जन्माने माझ
आयुष्य फुललं l
लेक हृदयाचा तुकडा
जिवापाड वाढवला l
तळहातच्या फोडावानी
तिला जपला l
लाडात वाढली माझी
कन्या गोजिरी l
वात्सल्याची मंगल मूर्ती
लेक सुंदरी l
करायचे पिवळे हात
ऐकून लाजली l
आईच्या मिठीत जाऊन
घट्ट बिलगली l
बापाला आठवे तिचे
नटखट बालपण l
आठवणींनी सुखावले
त्याचे मन l
मनात उठले त्याच्या
आठवणींचे काहूर l
कन्यादान करण्या आधीच
बापा लागे हूरहूर l
मनात प्रश्नांचा गोंधळ
कसे करु कन्यादान l
तिच्या जन्मानेच झाले
घराचे नंदनवन l
लेक वाचवा लेक शिकवा
विनंती सर्वांना कळकळून