अबोला

का रे हा करशी अबोला?

बोल ना एकदा सख्या रे |

जीव होतो कासावीस माझा

हा अबोला जीवघेणा रे | |१| |

नको रोज मजला चोरून

पाहू असा झाडाआडून |

हवं तितकं भांडून घे नको

घेऊस असे कान पाडून | |२| |

तुझ्याशी बोलल्याखेरीज

माझ्या जीवा नाही चैन पडत |

नको इतका भाव खाऊस जसं

काही तुझे मजवीण नाही अडत | |३| |

तुच मला आधार जगी सोड 

हा अबोला गुन्हा माझा सांग तरी |

सारं झाले गेलं विसर तुझे माझे

नाते राहो अभंग जन्मजन्मांतरी | |४| |