अभंग रचना

गाडगे बाबांचा । वसा घेऊ मनी 

झाडू हा धरूनी । हातामध्ये ॥१॥

स्वच्छ घरदार । परीसर स्वच्छ 

विचार गलिच्छ । दूर जाती ॥२॥

झाडे लावूनिया । शुद्ध करू हवा 

निसर्गाचा ठेवा । सांभाळाया ॥३॥

पशु पाखरांची।वृक्ष ही माऊली 

निस्वार्थी सावली ।सकळांची ॥४॥

तोडू नये वृक्ष ।स्वार्थ साधावया 

जाईल हो लया ।सृष्टी सारी ॥५॥

संवर्धन करा ।आपले भविष्य 

हवेतील विष । घेई प्राण॥६॥

पाण्याचा टाळावा । सदा अपव्यय 

होईल उपाय । दुष्काळाचा ॥७॥

सकस आहार । सुदृढ जीवन 

नको रसायन । जमीनीत ॥८॥

पर्यावरणाची । ठेवावी हो जाण 

करावे जतन ।निसर्गाचे ॥९॥