आयुष्य

आयुष्यभर सोबत असून 

जवळ कधी बसत नाही

एकाच घरात राहून आम्ही

एकमेकास दिसत नाही

हरवला तो आपसातला

जिव्हाळ्याचा संवाद

एकमेकास दोष देवून 

नित्य चाले वादविवाद

धाव धाव धावतो आहे

दिशा मात्र कळत नाही

ह्रदयाचे पाऊल कधी

ह्रदयाकडे वळत नाही

इतक जगून झाल पण

जगायला वेळ नाही

जगतो आहोत कशासाठी

काहीच कसला मेळ नाही

क्षण एक येईल असा 

घेवून जाईल हा श्वास

अर्ध्यावरच थांबलेला

 असेल हा जीवनप्रवास

अजूनही वेळ आहे

थोड तरी जगून घ्या

सुंदर अशा जगण्याला

डोळे भरून बघून घ्या