जाऊदे

जाऊदे इतका विचार नको 

असं नेहमी घडत असतं 

आमच्यासारख्यांचं हृदय 

ठेच लागून पडत असतं || 0 ||

खऱ्या प्रेमींची इथे 

अशीच असते अवस्था 

दाखवला जातो यांना 

थेट बाहेरचा रस्ता 

नेहमीच आमचं काहीतरी 

कुठेतरी अडत असतं 

आमच्यासारख्यांचं हृदय 

ठेच लागून पडत असतं || 1 ||

मनाला लावून घेऊ नको 

वागणं तुझं बिनधास्त होतं 

नाही श्रीमंत मी वेडे 

मत तुझं रास्त होतं 

सर्व सुरळीत असतानाही 

काहीतरी रखडत असतं 

आमच्यासारख्यांचं हृदय 

ठेच लागून पडत असतं || 2 ||