आयुष्य असतं आपलं आपलं

कुठवर करावा विचार जगाचा

विचारांनाही असाव्या मर्यादा,

आयुष्यं असतं आपलं आपलं

मनाशीच मनधरणीचा संघर्ष का करावा

जगरहाटीच्या वाटेवर चालण्याचा

 अट्टाहास कशापायी

समाधानाचं दार बंद करून घुसमटीशी

मैत्री कशापायी

धरला हात मनाचा

ओंजळीत सुखाचा चंद्र हसला

गुंतुनी गुंत्यात मग जगाच्या

गुन्हेगाराचा भाव कशाला

विसावून स्वतःच्या कुशीत

मोकळी करावी वाट स्वप्नांना

ऐकून अंतर्मनाची साद

श्वास मोकळा फुलुनी द्यावा