लाइब्रेरी
प्रोफाइल
आर्त प्रेमविराणी
आर्त प्रेमविराणी
1 min
463
उद्ध्वस्त प्रेमदुनिया
सारे विखरुनी गेले
छळतात काळजाला
हळवेच भास सारे
तो शांत नदीकिनारा
वाहती मंदसे वारे
वाटे तुझा इशारा
हळवेच भास सारे
ओसंडे हा प्रपात
आघात तनामनात
जलबिंदू या मनाला
छळतात काळजाला
ते प्रेमबंध विरले
नुरले आता तराणे
आता आर्त विराणी
दुःखार्त हृदयी गाणी
गोड वचने प्रेमाची
गेली अधरी विरुन
गोड तरल वचनांची
गेली आसवे झरुन
ये रे सख्या आता तू
पुसूनीच भूतकाळ
दोघे भविष्य घडवू
विरुनीच सर्व भास
