लाइब्रेरी
प्रोफाइल
आम्ही सावित्रीच्या लेकी
आम्ही सावित्रीच्या लेकी
1 min
390
आहे उरी अपर हिम्मत
आहे सचोटी आणि नेकी
स्वाभिमानी आहोत फार
आम्ही सावित्रीच्या लेकी
कणखर तितक्याच हळव्या
आहोत संयमी आणि विवेकी
डगमगत नाही संकट समयी
आम्ही सावित्रीच्या लेकी
जन्मतःच बाळकडू मिळाले
खपायची नाही उगाच शेखी
खोड मोडणे जाणतो नीट
आम्ही सावित्रीच्या लेकी
मर्यादा सोडली नाही आम्ही
तोडले बंधन जे अतिरेकी
संस्कार तिचे विसरलो नाही
आम्ही सावित्रीच्या लेकी
