आई सगळं काही करते

सासर माहेरच्या मंडळींना

प्रेमाच्या धाग्याने ती बांधते

लेकीला माहेर असावे म्हणून

तिची आई सासरला नांदते

किती निस्वार्थ असते हे नाते

किती गहीरे आहेत ऋणानुबंध

मी पणा कायम बाजूला सारून

जिवापलीकडे जपते ती संबंध

आपले थोडेसे ही दुःख बघून

अश्रू तिच्या डोळ्यांतून गळते

आपल्यापेक्षा कित्येक पटीने

जास्त काळीज आईचे जळते

लेकराचे सर्वकाही करतांना

अख्खे जीवन जीचे सरते

सर्वार्थाने हे सत्य आहे की

आई सगळं काही करते