सत्संग

भाषणात लोक फार बोलतात

आळवतात मोठ मोठाली तत्व

असे लोक कृतीशून्य असतात

प्रत्यक्षात स्वार्थाला देतात महत्त्व

फार कमी लोक असतात जे

खरोखर कार्य करतात अतुल्य

इतके सोपे नसते कलियुगात

जपणे आयुष्यभर नैतिक मूल्य

बोलघेवड्यांवर फार भाळू नये

बनू नये त्यांच्या हातचे बाहुले

संत तुकाराम म्हणतात, बोले 

तैसा चाले त्याची वंदावी पाऊले

सकारात्मक आवडी जपाव्या

असावा वेगळ्या छंदांचा व्यासंग

कुवृत्तीच्या लोकांना दूर सारून

करावा सज्जनांसंगे सदैव सत्संग