पडझड

बघवत नाही आसवांच्या धारा

सहन होत नाही आत्म्याचे ह्रदन

कोणाला समजेल वेदना मनाच्या

करावे कुठे मनाचे दुःख कथन

अस्थिरता पसरली आहे सर्वत्र

सैरभैर झाले चित्त आणि मन

मानवी समाज होरपळतो आहे

जसे जळते वणव्यामुळे वन

भोवतीचे दृश्य बघून अक्षरशः

हृदय चरा चरा जातेय चिरले

कलाटणी घेतली आहे जीवनाने

एकशे एंशीच्या कोनात फिरले

प्राणवायू अभावी श्वास कोंडतोय

होतेय जीवाची आतोनात धडपड

केव्हा थांबेल हा आक्रोश मानवाचा

देवा थांबव ही जीवनाची पडझड