आई

आई अनंत तुझे उपकार

तुज मुळे हा जन्म मिळाला

जीवनाचा तूच मंत्र शिकवला

दिव्यसृष्टीचा अर्थ समजावला

तूच दिलेस मज संस्कार 

आई अनंत तुझे उपकार

आई अनंत तुझे उपकार

कष्ट सोसून संसार थाटलास

उपाशी राहून घास भरविलास

सहजच प्रत्येक हट्ट पुरविलास

घडविलास प्रेमाचा चमत्कार 

आई अनंत तुझे उपकार

आई अनंत तुझे उपकार

अजुनही चिंता तूलाच माझी

झालीस जरी मुलांची आजी

रात्रंदिन तुज उगाच काळजी

तुझाच मज आधार 

आई अनंत तुझे उपकार

आई अनंत तूझे उपकार

देव दिसे तूझ्याच ठायी

लीन सदैव तुझ्याच पायी

तुझे आशिर्वाद मिळोत आई

राहो प्रेमाची संततधार

आई अनंत तुझे उपकार