लाइब्रेरी
प्रोफाइल
चुकलेच माझे गझल
चुकलेच माझे गझल
1 min
233
गालगागा गालगा गागालगागा
चुकलेच माझे !!
का उगा मी भांडलो चुकलेच माझे
आर्ततेने बोललो चुकलेच माझे
स्वार्थ माझा कोणता कळलेच नव्हते
पण तरी रागावलो चुकलेच माझे
सोडला जो मार्ग तू सच्चेपणाचा
ऐकुनी भांबावलो चुकलेच माझे
फक्त होती पूर्णता शंका जगाला
एकटा मी त्रासलो चुकलेच माझे
लोक करती पण गुन्हे याहून मोठे
का तरी मी तापलो चुकलेच माझे
