पंढरीची वारी !! (अभंग)

पंढरीची वारी !!

पंढरीची वारी । मनात असावी ।

स्वप्नात दिसावी । सदोदित ।।

आषाढीची वारी ।पंढरीच्या दारी । 

पावसाच्या सरी । गगनात ।।

साद मृदुंगाची । नाद चिपळ्यांचा।

गजर नामाचा । आसमंती ।।

मिटे सर्व चिंता । दूर होती दुःखे ।

येती सर्व सुखे । नाम घेता ।।

विठू रखुमाई । मायेची सावली ।

भक्तांची माऊली । खरोखरी ।।

कशास करावी ।चिंता जीवनाची ।

असे श्रीहरीची । कृपा सारी ।।

विठू रखुमाई । प्रशांत जाणतो ।

आपले मानतो । मायबाप ।।

प्रशांत कदम,

९५९४५७२५५५.