आई तू सृजनतेचा मेरू महान

आई तू सृजनतेचा मेरू महान

महान तुझ्या कर्तृत्त्वाला मी

मी करतो दोन्ही हाते वंदन

वंदन तुझेच जीवन जसे

जसे झिजत जाणारे चंदन

चंदन सुगंध दरवळे घरात

घरात तुझे वावरणे निर्मळ

निर्मळ सर्वांप्रती भावना तुझ्या

तुझ्या भावभावनाही प्रेमळ

प्रेमळ तुझे रागावणे ही असे

असे काळजी घरातील सर्वांची

सर्वांची मने सांभाळणे आणि

आणि ती कसरत असे दोरीवरची

दोरीवरची वाळलेली कपडे काढणे

काढणे केर , कचरा, रांधणे, वाढणे

वाढणे खाऊ घालणे चिऊचा घास

घास लेकराच्या मुखी भरवणे

भरवणे चारा पाणी दावनीला

दावनीला जनावरे असे बांधलेली

बांधलेली ऋणानुबंधे नाती अशी

अशी आई ती राब राब राबलेली