आई तुझे ऋण
आई तुझे ऋण
तू माझ्या जीवनाचा शिल्पकार तू माझी आई
या जन्मी आई तुझे ऋण मी कधी फेडूच शकणार नाही
कोणी म्हणे आई असते मायेचा सागर
कोणी म्हणे आई असते गजबजलेले घर
कोणी म्हणे माया अपार तिची कधीही संपत नाही
या जन्मी आई तुझे ऋण मी कधी फेडूच शकणार नाही
आई माझी भोगून कष्ट मला जगविले
अशा अभाग्याचे जीवन तिने सजविले
तुझ्या कृपेने संपून जाईल ही दुःखाची खाई
या जन्मी आई तुझे ऋण मी कधी फेडूच शकणार नाही
आई तुझा राजा आहे तुझा गुन्हेगार
थोर मोठा असूनही आहे तुझ्या डोई भार
जमलंच तर होऊन पाहीन तुझ्या पालकीचा भोई
या जन्मी आई तुझे ऋण मी कधी फेडूच शकणार नाही
माझ्या मुळे होतो आई सर्वांना ग त्रास
कुणा ठावं कुठुनी आला असा वनवास
जगतोय हिम्मत सोडत नाही गात तुझी अंगाई
या जन्मी आई तुझे ऋण मी कधी फेडूच शकणार नाही
घडो तुझी सेवा मला आहे जोवर श्वास
जन्म भर भरवीन तुजला माझ्या सुखाचा घास
अर्पून देतो माझे जीवन अंती तुजिया पाई
या जन्मी आई तुझे ऋण मी कधी फेडूच शकणार नाही.