आगमन गणरायाचे

काव्यप्रकार   गणेश लोकगीत

अक्षरसंख्या 12 यती 6व्या अक्षरावर

आला आला आला, गणपती आला

आनंद झाला हो, आनंद झाला हो//धृ//

गणेश चतुर्थी, आगमन झाले

सकल भक्त हे, नाचाया लागले

किती मी सांगू हो, मोद जाहला हो  (1)

गजानना तव, रुप मनोहर

चिंता हरविसी, तूचि विघ्नहर

वाट पाहती हो, आनंद झाला हो (2)

विद्या नि कलांचा, तूच अधिपती

संकट विघ्नांना, तूच हरविसी

नाचू गाऊ या हो, या बाप्पा आला हो  (3)

श्रद्धा हो भक्तांची, आहे मनोमनी

हरशील चिंता, विघ्ने हरवूनी

तूच रक्षक हो, तूच तारिसी हो (4)