आभासी जग (तुमच्या शहरातील जीवन

आहे आयुष्य सुंदर 

भान असू द्या तयाचे 

आव्हाने येऊ द्या रोज 

त्यास सामोरे जायचे||१||

करे निष्क्रिय मेंदूला 

रुजे कीड विनाशाची 

आभासी जग कठोर 

नसे काळजी मनाची||२||

धावपळीचे हे जग

 तंत्रज्ञानास महत्त्व 

नको जाऊस आहारी

 विसरून सारी तत्त्व||३||

प्रेम मैत्री टिकवावी 

आपुलकी रुजू द्यावी

 देवघेव विचारांची

 समोरासमोर व्हावी||४||

कोडगे आभासी जग

 दूर करे नात्यांना 

जरा ओळखावे सत्य 

नसे महत्त्व कथांना||५||

जपा आरोग्य स्वतःचे

 निसर्गात थोडे रमा 

आयुष्याची हीच ठेव 

आठवणी येती कामा||६||