आभाळ भरून आलं ...

आभाळ भरून आलं ,

पाणी डोळ्यांतून वाहलं ...

गरजुन गेले मेघ इथे ,

वीज मनावर पडली ,

करपून गेले प्रेमांकुर ,

बीजे मोडीला गेली ...

आभाळ भरून आलं ,

पाणी डोळ्यांतून वाहलं ...

दुष्काळ झाला नशिबाचा ,

का कोपला असा तू ,

कोणता नवस करू तुजला ,

पावशील तेव्हा भक्ताला तू ...

आभाळ भरून आलं ,

पाणी

Advertisement

डोळ्यांतून वाहलं ...

नीज पारखी झाली उशाला ,

रात्र दिवसा परी जागली ,

पापणी टेकत नाही पापणीला ,

अशी अवस प्रेमात आली ...

आभाळ भरून आलं ,

पाणी डोळ्यांतून वाहलं ...

प्रीत सरी कुठे लपल्या ,

भेगाळल्या प्रेमाच्या वाटा ,

चिरा-चिरा धरणीला ,

उसळला जरी समुद्रात लाटा ...

आभाळ भरून आलं ,

पाणी डोळ्यांतून वाहलं ...