१९ फेब्रुवारी..
१९ फेब्रुवारी..
भीतीचा काळोख दाटून
वाहे अन्यायाचा वारा ;
सुलतानी अराजकतेत
रयतेला नव्हता थारा .
शूर मराठ्यांच्या पदरी
फक्त बादशाहीचे दास्य ;
हाहाकार- अंदाधुंदीने
गाली नव्हते कोणा हास्य .
सुलतानी राजकलहामुळे
पडे रक्ताच्या सडा ;
निष्पाप प्रजेस तारण्या
कोण होईल खडा .
आनंदाला उधाण येऊन
फुटले आशेला पंख ;
चौघडे -तुतारी- सनईसह
चैतन्याच्या गुजला शंख .
सह्याद्री गर्जु लागला
"जय भवानी "चा नाद घुमला ;
तिन्ही लोकी पूजला जाणारा
शिवाजीराजा जन्मला .
शिवजन्माची साक्ष देतो
अभेद्य गड शिवनेरी ;
शिवतेजाने न्हाऊन निघाला
सोनेरी दिन 19 फेब्रुवारी.