എല്ലാം ശരിയാകും

ഒരിക്കൽ രാജുട്ടൻ തന്റെ സുഹൃത്ത് സതീഷിനോട് ചോദിച്ചു..

എടാ സതീഷേ.. ഞാൻ ഒട്ടുമിക്ക കാര്യങ്ങളും എന്റെ ഭാര്യ പറയുന്നത് അനുസരിച്ചു ചെയ്യാറുണ്ട്..

പക്ഷെ എനിക്ക് അതിലൂടെ ചിലത് ശരിയാകാതെ വരുമ്പോൾ ഞാൻ സ്വന്തം ഇഷ്ടപ്രകാരം കാര്യങ്ങൾ ചെയ്യും.. എന്നാൽ അതെനിക്ക് ശരിയായാലും അവൾക്ക് ഉൾക്കൊള്ളാൻ കഴിയില്ല.. എന്നാൽ അവൾ ചില കാര്യങ്ങൾ പറയുമ്പോൾ അത് എനിക്ക് ഉൾക്കൊള്ളാൻ കഴിയില്ല .. പക്ഷെ അവൾക്ക് ശരിയാകും.. ഇതിനിപ്പോൾ എന്താ പ്രതിവിധി..?

അതിനിപ്പോൾ പ്രത്യേകിച്ചു പ്രതിവിധി ഇല്ല.. അതങ്ങനെ ശീലമാകും..

ഇതിപ്പോൾ ശീലമായോണ്ട് കാര്യമില്ലല്ലോ.. കാര്യങ്ങൾ ശരിയാകണ്ടേ..?

അതിനിപ്പോൾ തല പുകഞ്ഞു ആലോചിക്കേണ്ട കാര്യമൊന്നുമില്ല.. നീയെന്റെ കേസ് എടുത്ത് നോക്ക്.. എന്റെ കല്യാണം കഴിഞ്ഞപ്പോൾ ആദ്യം അവൾ പറയുന്നതൊക്കെ ഞാൻ കേട്ടു.. പിന്നെ ഞാൻ പറയുന്നതൊക്കെ അവളും കേട്ടു..

അതുകൊണ്ട്..?

അതുകൊണ്ടെന്താ.. പിന്നെ ഞങ്ങൾ പറയുന്നത് നാട്ടുക്കാരും കേട്ടു.. അതോടെ പ്രശ്നം തീർന്നു.. അതോടെ എല്ലാം ശരിയായി.. നാട്ടുകാർ ഇടപെടും എല്ലാം ശരിയാകും.. അത്ര തന്നെ..