മനസ്

ഉരുകുന്ന മെഴുകുതിരി പോൽ

ഉരുകുന്നിതെൻ മാനസം

കാറും കോളും നിറഞ്ഞ വാനം

ക്ഷണാൽ മാരി ചൊരിയുന്ന പോലെ

സുഖ ദുഃഖാദികൾ നിറഞ്ഞ ജീവിതം

ഒന്നോർത്താൽ നിഴലും നിലാവിനും സമം

ജീവിതത്തിന്റെ ഭിന്ന തലങ്ങൾ തേടി

കാലം കഴിക്കുന്നു ചില ബുദ്ധിജീവികൾ

നേരോർത്താൽ മനസ്സെന്നത് സാങ്കല്പികം

മനസുഖമെന്നതു മരുപ്പച്ചയും...

കാണുന്നതും കേൾക്കുന്നതും മിഥ്യ

വെറും മിഥ്യ... വെറും മിഥ്യ

കാലത്തിന്റെ ഗതിവിഗതികൾക്കൊപ്പം

ചലിക്കാൻ ശീലിച്ചവർ നാം

ശീലം പിന്തുടരുന്നവർ നാം

അനസ്യൂതം യാത്ര തുടരുന്നവർ നാം