എല്ലാമറിഞ്ഞപ്പോൾ

എല്ലാം ഞാനറിഞ്ഞത് 

ഇന്നലെയാണല്ലോ സഖേ!

നിന്നെയെനിക്കിഷ്ട്ടമാ-

ണെന്നറിഞ്ഞതും 

സത്യവും മിഥ്യയും 

രണ്ടെല്ലന്നറിഞ്ഞതും 

സ്വപ്‌നങ്ങൾ മണ്ണിൽ 

പൂക്കില്ലെന്നറിഞ്ഞതും 

കനിവുകൾ ആഴക്കയത്തി-

ലെന്നറിഞ്ഞതും 

വായക്കുചുറ്റും പുകയാ-

ണെന്നറിഞ്ഞതും 

വായുവോന്നെന്നില്ലെ-

ന്നറിഞ്ഞതും 

ഞാനറിഞ്ഞതിന്നലെ

യാണല്ലോ സഖേ...!

അഞ്ചുപതിറ്റാണ്ടുകൾ 

തല്ലിക്കൊഴിച്ചിട്ടും 

ഓരോപതിറ്റാണ്ടിലുമൊന്നു-

മില്ലെന്നറിഞ്ഞതും 

കഴിഞ്ഞപതിറ്റാണ്ടിലും

ഞാനെന്നെയറിയാത്തതും 

ലാഭവും നഷ്ടവും എന്നിലൂ -

ടെന്നറിഞ്ഞതും 

എനിക്കൊന്നുമുൾക്കൊള്ളാനാവി-

ല്ലെന്നറിഞ്ഞതും 

കാലത്തിൻ വിഷലിപ്തമാം 

പാടകൾഎൻനാസാരന്ധ്രങ്ങളി -

ലൂടെയകത്തേക്കടിഞ്ഞതും 

തുമ്മിപ്പുറത്തേക്കുതെറിപ്പിക്കു

വാനാവാതെ എല്ലാം തൊണ്ട -

ക്കുഴിയിൽ തടഞ്ഞതും 

എല്ലാം ഞാനറിഞ്ഞതി-

ന്നലെയാണല്ലോ സഖേ!

ഇന്നലെപകലന്തിയോളവും 

എന്റെ കണ്ണിന്നറ്റത്തു 

വിഷാദമായും ഇന്നലെ 

പുലരുമ്പോളെന്റെ മനസ്സിൽ 

സർവ്വതും നീയെന്ന 

ചൊൽവിളിയായതും 

ഇന്നലെ പകൽ മദ്ധ്യാഹ്നത്തിൽ 

കറുത്തുവെളുത്തപ്പോൾ 

എന്മുന്നിൽ അടർന്നുചിതറിയ

കണ്ണുനീർമുത്തുക്കൾ 

എനിക്കുള്ള സാന്ത്വനത്തിന്റെ 

താരാട്ടായി മാറിയതും 

ഞാനറിഞ്ഞത് 

ഇന്നലെയാണല്ലോ സഖേ...!