കവിത :- പൂക്കാത്തച്ചില്ലകൾ രചന :- ബിനു. ആർ.

കവിത :- പൂക്കാത്തച്ചില്ലകൾ.

ബിനു. ആർ.

ചിത്രജാലകങ്ങൾ തുറന്നിട്ടു ഞാൻ

ചിത്തിരവേണുഗാനം കേൾക്കുവാൻ

കണ്ണന്റെ മുരളീഗാനം വന്നണഞ്ഞു

തിരിഞ്ഞു കരിനീലക്കണ്ണുകളെ തിരഞ്ഞു.

രാധയെയോ കാർമുകിലോ കണ്ടൊ-

യെന്റെ കണ്ണുകളെന്നൊടുപരിഭവിച്ചു 

നീലനഭസിൻ കംബളത്തിൽ നിറനിറ

വരപോൽ കുറേ പൂക്കാത്ത -

ചില്ലകൾ പോൽ,കറുകറുകറുപ്പിൻ

കാർമുകിലുകൾ.

 മഴയെ മാനത്തുവിരിച്ചിരുത്തി,

കിട്ടാത്ത മനസ്സിൻ

മോഹങ്ങൾ പോൽ, ചിത്രപങ്കിലം!

മാനത്തോടിക്കളിക്കുന്നു, വെള്ളി-

വിളക്കുകൾ, മച്ചിൽ നാളികേരമുരുട്ടി-

ക്കളിക്കുന്നു ശങ്കരപ്രഭ്രിതികൾ!

           ബിനു. ആർ