കവിത :- ആൽക്കൂട്ടത്തിൽ തനിയെ. രചന :- ബിനു. ആർ.

കവിത :- ആൽക്കൂട്ടത്തിൽ തനിയെ.

രചന :- ബിനു. ആർ.

ചിലമ്പിട്ടാർത്തു വിതുമ്പുന്നു

ചിത്രജാലകത്തിലെ ചിന്തകൾ

കാലത്തിനുമുമ്പേ ചരിക്കാൻ

കാത്തിരുന്നവർ കടന്നുപോയി

ഗഗനചരുവിൽ,വെള്ളകീറുമുമ്പേ.

ഉള്ളൊരുക്കങ്ങൾ ചിതറിപ്പോയ്

ഉരുളുവന്നലച്ചപ്പോൾ, സാന്ത്വനം

ആരോടുചോല്ലേണ്ടു, സന്ധ്യതൻ

കഠിനമാം നിറഭേദരാശികളിൽ.

ആരുംവന്നോന്നുമേചൊല്ലുവാ -

നില്ലാതെയാൾക്കൂട്ടത്തിൽ

തനിച്ചാകവെ,വിതുമ്പുന്നുയെൻ

മനം മറ്റൊരു ആലംബമില്ലാതെ.

കാരിരുമ്പിൻ മുള്ളാണികൾ കാലിൽ

തുളച്ചുകയറും പോലെ കുത്തി-

ക്കയറുന്നു നോവിൻ തുരുമ്പുകൾ,

എല്ലാം ചിതറിത്തെറിച്ചുപോയ്‌

ഉരുളുകളായ് കലങ്ങിമറിഞ്ഞു

ദുർബലമാംവേരുകൾക്കിടയിലൂടെ.

              - ബിനു. ആർ-