കാഴ്ച

കാഴ്ച ഒരു അതിർവരമ്പ് 

കാഴ്ചക്ക് ഒരു നേർത്ത തിരശീല 

യഥാർഥ്യത്തിന്റെ മാത്രമായിട്ടൊരു ഭാഗം 

സ്വപ്നത്തിന്റെ മറുപുറം 

എനിക്ക് സ്വപ്നമാണ് ഏറെ ഇഷ്ടം 

സ്വപ്നം മധുരതരം 

യാഥാർഥ്യം മധുരവും കയ്പ്പും 

നിറഞ്ഞത് .. 

പകൽ വെളിച്ചത്തിന്റെ രേണുക്കൾ 

പരക്കാൻ തുടങ്ങിയപ്പോൾ 

നിശാസന്ധ്യ 

വിടവാങ്ങിയിരുന്നു 

ഇനിയും വരുമെന്ന് ഉറപ്പ് കൊടുത്തുവോ ?

എങ്കിൽ താരകങ്ങൾ സമ്മാനമായി 

കൊടുത്തതാവണം .. 

സായംസന്ധ്യക്ക് കുങ്കുമത്തിന്റെ 

നിറം വന്നപ്പോൾ 

വേർപാടിന്റെ നൊമ്പരം ഉണ്ടായിരുന്നുവോ ?