കവിത :- പോരാട്ടത്തിന്റെ പാട്ട്. രചന :-ബിനു. ആർ.

കവിത :- പോരാട്ടത്തിന്റെ പാട്ട്.

രചന :-ബിനു. ആർ.

കയ്യുയർത്തി അഭിവാദ്യംചെയ്തുപാടി നാം 

കൈമെയ്മറക്കും രൂഷിതവിപ്ലവഗാനം

കാലഘട്ടത്തിന്നെറുകയിൽ വീര്യമുയർത്തി, ഇന്നീ 

കറുപ്പിൻരുധിരം നിറഞ്ഞ പാട്ടിന്റെ പാട്ട്.

അന്ന്,മെല്ലിച്ച ജനത്തിൻ സംഘക്കസ-

വുണർത്തുംതോറ്റംപാട്ട്, ചേരുംപടിചേരാനുയിരാൻ ജനിമൃതിതൻ

താണ്ഡവമാടുംപാട്ടിൻപാട്ട്,

അമൃതകലയുണർത്തും രജതമെഴും

വിപ്ലവമുതിരുംപാട്ട്.

ഇന്നീ,സംഘടനഗോദയിൽ വിപ്ലവസ്മരണപോലുമില്ലാ,

ഈരേഴുലകിലും സംഘമില്ല സ്‌മൃതിയുമില്ല,

പട്ടിണിപരിവട്ടംസംഗമിക്കും

കണ്ണീരുമാത്രം, പട്ടിണിക്കഞ്ഞിയിൽ

മണലിടും ഈർച്ചസ്വരംമാത്രം.

കാലം മാഞ്ഞുപോയൊരുകാലം

പ്രവാസിയായ്,കഞ്ഞികുടിക്കാൻ

വകയുണ്ടാക്കിയവനെ

പാട്ടിൻപാട്ടു

പാടിയുറക്കിയ സംഘംനിറഞ്ഞു

നിന്നുഞെളിയുന്നു,വിപ്ലവത്തിന്നധോലോകമായ്.

           ബിനു. ആർ.