ചാരമല്ലിത് കനൽ
ചാരമല്ലിത് കനൽ
തണലേറ്റിരിക്കാൻ മനസ്സില്ലിന്നെനിക്ക്
നീറും മരീചികയാലങ്ങകലെയാ
പെൺകൊടി നാട്ടീവലിക്കുന്നൊരീ
വിപ്ലവത്തൂണതിൻ സാക്ഷ്യമതാ
അറിവാം വാൾമുന കൊത്തിചീന്തിയെ-
റിഞ്ഞതീ അന്ധമാം ബോധത്തെ…
അവൾ പൊട്ടിച്ചെറിഞ്ഞതോ ബന്ധിക്ക-
പ്പെട്ടൊരാ ചങ്ങലകൾ, ഉയർന്നു
പൊന്തുന്നതീ മരുപ്പച്ചയിലേക്കാണി-
ന്നവളുടെ യുദ്ധമെന്നാൽ : നീയോ
തോറ്റുപോകുമീ തീജ്വാലയ്ക്കു മുന്നിൽ
സ്മൃതിതത്ത്വങ്ങളടക്കി വാഴ്ന്നൊരാ
കാലമിതല്ലന്നോർക്ക നീ, ലിഖിതങ്ങളന്വർ-
ത്ഥങ്ങളാകുന്നൊരാ രാവതിവിദൂരമല്ല:
അവളണിഞ്ഞതാ കാക്കിക്കുള്ളിലും
അരിവാളേന്തുന്നതാ കൈയ്യ്ക്കുള്ളിലും
ആർത്തലിക്കുന്നുതീ ചരിത്രം