Click Here. Romance Combo up for Grabs to Read while it Rains!
Click Here. Romance Combo up for Grabs to Read while it Rains!

Ajayakumar K

Inspirational


4  

Ajayakumar K

Inspirational


ഹരിതാഭ

ഹരിതാഭ

1 min 338 1 min 338

പ്രകൃതി നൽകീടിന പച്ചക്കുട ചൂടി 

മനുജനു തണലേകുവാൻ പിറന്നു 

മനുജന്റെ ക്രൂര പ്രവൃത്തികളെല്ലാമേ 

എല്ലാം സഹിച്ചു സർവംസഹയായി 


പ്രകൃതിതൻ ഹരിതാഭ തച്ചുതകർക്കുന്ന

ഉന്മൂല നാശിനിയോ മനുജർ 

സസ്യലതാദികളില്ലാത്ത ലോകത്ത്

മർത്യനു ജീവിതം സാധ്യമാണോ 


ശുദ്ധമാം വായുവും ശ്യാമള ലോകവും 

സുന്ദര വൃന്ദാവനവുമെല്ലാം 

സൂര്യന്റെ കാമിനിയേറെ പ്രണയിക്കും 

സുന്ദര വിശ്വത്തെ എന്നറിക 


മനുജനിൽ അന്ധകാരം നിറയുമ്പോഴും 

ദുഃഖത്തിൻ കണ്ണീർ പൊഴിച്ചു ഞങ്ങൾ

മഹിതൻ മക്കളുടെ സൗഭാഗ്യമെപ്പൊഴും 

ഞങ്ങൾതൻ സംതൃപ്തി അല്ലോയെന്നും 


ദശപുത്രർക്കു തുല്യമായി ഒരു തരു --മതിയെന്ന മുനി വചനമെന്നേ മറന്നു 

അണുകീട ശതകങ്ങൾ കൂമനും കാകനും 

ഹിംസ്ര ജന്തുക്കൾ ഉരഗ വർഗ്ഗങ്ങൾക്കും 

അഭയവും അന്നവുമേകുന്ന വൃക്ഷമേ 


സദയം പൊറുക്കുക... സദയം ക്ഷമിക്കുക 

പാരിതിൽ മനുജർ കാണിക്കുന്ന ക്രൂരത 

കുയിലിന്റെ കല്കണ്ട നാദത്തിനാധാരം 


അന്ന ദാതാവായ വൃക്ഷം 

തുഞ്ചന്റെ ശാരികയെ കൊഞ്ചിച്ചു ലാളിച്ചു 

സുന്ദര കാവ്യത്താൽ കൈരളി പെണ്ണിനെ 

താലോലമാട്ടിയ നിധിയാണു വൃക്ഷം 


വേടന്റെ ശരമേറ്റു നിപതിച്ച ക്രൗഞ്ചത്തിൻ 

രോദനം ഉൾക്കൊണ്ട ആദിമ കാവ്യവും 

ശീതളതയേറെ നുകർന്നൊരു വയലാറിൻ 

സർഗ്ഗസംഗീതവും കേട്ടു 


പ്രാചീന ഭാരത ശാന്തിനികേതങ്ങൾ 

വിജ്ഞാന ദീപങ്ങളായി ഭവിച്ചതു 

ഹരിതാഭയാർന്ന വൃക്ഷത്തിൻ ചോട്ടിലായി 

ഞങ്ങളെ ലാളിക്കൂ... ഞങ്ങളെ സ്നേഹിക്കൂ 

ഭൂമിതൻ വരദാനമാണു ഞങ്ങൾ 


Rate this content
Log in

More malayalam poem from Ajayakumar K

Similar malayalam poem from Inspirational